Методическая работа

26 лютага па тэме метадычнага аб’яднання настаўнікаў грамадска-гуманітарнага цыкла Наталля Канстанцінаўна запрасіла ў 5 клас на ўрок беларускай літаратуры “Ідэйна-мастацкі змест апавядання М.Лынькова “Васількі”.

З 19 лютага па 23 лютага прайшоў тыдзень педагагічнага майстэрства настаўнікаў пачатковых класаў. Вучні з задавальненнем удзельнічалі ў віктарынах “Вяселая матэматыка”, “Па экалагічных сцежках”, “У краіне казак”,  у матэматычнай гульні “Турнір кемлівых”. Вучні 1 класа здзейснілі падарожжа “У царства жывой прыроды”, першакласнікі даведаліся шмат цікавага пра жыццё экзатычных жывёл. Вучні другога класа прынялі ўдзел у інтэлектуальнай гульні “Крос-пытанне”, падчас якой спаборнічалі на лепшага эрудыта, самага кемлівага. Трэццякласнікі правялі музычны конкурс “Кароль караоке”. Вучні мелі магчымасць праявіць свае музычныя здольнасці, кожнаму хацелася стаць “каралём”.

У межах пасяджэння метадычнага аб’яднання настаўнікаў грамадска-гуманітарнага цыкла быў праведзены ўрок рускай літаратуры ў 5 класе па казцы С.Я.Маршака “Дванаццаць месяцаў”. Настаўніца рускай літаратуры Сушкевіч І.М. так спланавала ўрок, што дзеці ўвесь час былі ў дзейнасці: рыхтавалі пытанні да твора,  чыталі выразна твор па ролях,  рыхтавалі інсцыніроўкі па эпізодах, праводзілі экскурс па ўласных малюнках. І вучні і настаўніца былі задаволены сумеснай працай.

23 лістапада адбылося пасяджэнне метадычнага аб’яднання класных кіраўнікоў па тэме “Выхаванне прававой свядомасці, прававой культуры – неад’емны працэс прававога выхавання”, удзельнікам якога прадставілася магчымасць не толькі паглыбіць свае тэарытычныя веды па тэме, але і наведаць дзелавую гульню ў 9 класе “Правы і абавязкі”. Класны кіраўнік Ганна Алегаўна разам в вучнямі прадэманстравала разнастайнасць форм работы па дадзенай тэматыцы. Усе ўдзельнікі мерапрыемства засталіся пад добрым уражаннем і атрымалі шмат карыснай інфармацыі.

15 лістапада адбылося пасяджэнне МА настаўнікаў грамадска-гуманітарнага цыкла, на якім была разгледжана тэма “Фарміраванне ў вучняў сацыяльных і асобасна значымых якасцей праз вывучэнне прадметаў гуманітарнага цыкла”.  Гутарава В.А. прааналізавала сучасныя падыходы да фарміравання ў вучняў сацыяльных і асобасна значымых якасцей. Гацман С.М. прапанавала найбольш эфектыўныя, на яе думку,  шляхі дасягнення выхаваўчых мэт на ўроках.  Крукоўская Н.К. падзялілася ўласнымі напрацоўкамі па арганізацыі пазаўрочнай дзейнасці з мэтай фарміравання сацыяльных і асобасна значымых якасцей.

21 лютага ў школе стартаваў тыдзень беларускай мовы і літаратуры. Міжнародны дзень роднай мовы пачаўся акцыяй “Маё любімае беларускае слова”, у якой прынялі ўдзел вучні і настаўнікі ўстановы адукацыі. Найбольш папулярнымі з’яўляюцца словы: Радзіма, дзякуй, калі ласка, суніцы… На працягу дня ў школе гучала беларуская музыка, вучні пачатковых класаў глядзелі мультыплікацыйныя фільмы на роднай мове.

У рамках тыдня з вучнямі праведзены шэраг пазакласных мерапрыемстваў. Вучні 9 класа сталі ўдзельнікамі гульні-віктарыны “Мая Радзіма – Беларусь”. Васьмікласнікі праявілі сябе ў конкурснай праграме “Квітней, родная мова”. А пяцікласнікі зазірнулі ў чароўны куфэрак. Кемлівасць, артыстызм прадэманстравалі вучні сёмага класа на алімпійскіх гульнях па беларускай мове “Ведай роднае слова!”.

Да 100-годдзя Узброеных Сіл краіны вучні наведалі ў школьнай бібліятэцы тэматычную выставу, з раздзеламі якой іх пазнаёміла вучаніца 9 класа Рагозік Лізавета. Найбольш вучняў зацікавілі раздзелы “Афганістан: боль, слёзы, памяць..”, “Служым Радзіме сваёй”, “Салдаты Перамогі”.